Fræðilegur bakgrunnur minn er þó úr heimi vísindanna, ekki síst því er lítur að heilsu og líðan fólks. Ég er með doktorsgráðu í lýðheilsu, M.Sc gráðu í næringarfræði og BA gráðu í matvælafræði. Auk þess er ég með MBA gráðu sem hefur nýst mér vel þegar ég hef leitt fyrirtæki af ólíkum gerðum; svo sem forstjóri Lýðheilsustöðvar Íslands, aðstoðarrektor Háskólans á Bifröst á Íslandi og framkvæmdastjóri Tanzanice Farm – fyrirtækis sem ég stofnaði og rak í tæp 14 ár í norður Tansaníu. Þá stofnaði ég félagasamtökin Women Power sem hafa það að markmiði að mennta og þjálfa konur í efnalitlum byggðum.